اهم البرامج وضبط الاعدادات اللازمة بعد عمل فورمات لجوالك

(¯`·._.·[ ضبط الإعدادات ]·._.·´¯)






طبعا الإعدادات او الـ setting بتختلف من تليفون للتانى

بس فى اساسيات بتبقة موجودة فى جميع الجوالات

ومنها بتقدر توصل للحاجة اللى انت عايزها حتى لو غيرت التليفون

عموما انا هبدأ الشرح على الباندا 6600

على اساس ان السوفت وير للباندا مشابه لكثير من جوالات النوكيا






اولا : الرسايل


فى بداية تشغيل الجوال بعد الفورمات بيكون الوضع الافتراضى لحفظ الرسائل على زاكرة الهاتف نفسه

وطبعا من الافضل انها تكون على كارت الميمورى

عشان لو بتستقبل رسائل بالبلوتوث نغمات او فيديو او اى حاجة تانية تستقبل براحتك

لأنها على الميمورى كارد لو مليت المساحة كلها مش هيحصله حاجة ان شاء الله

انما لو خلصت مساحة التليفون نفسه ممكن لا قدر الله يقع السوفت وير للموبايل

المهم عشان نغير الزاكرة المستخدمة لحفظ الرسائل

هندخل على messaging وبعدين option ثم settings

هنلاقى اختيارات كتير هنختار منها other

ومنها memory in use هنلاقيها phone memory هنغيرها لـ memory card

وكدة الرسايل هتجيلك على كارت الميمورى على طول





ثانيا : الكاميرا


الكاميرا بردو لما تلقط بيها اى صورة بتحفظها على زاكرة الهاتف

وطبعا لو صورت صور كتير هتخنق التليفون وممكن بردو يقع السوفت ويير

الافضل اننا نخلى الذاكرة المستخمة هى كارت الميمورى مش التليفون

اولا هنفتح الكاميرا عادى

وبعدين option ثم setting

هنلاقى بردو memory in use هنخليها الميمورى كارد

وصور براحتك

وبردو نفس النظام بالنسبة لكاميرا الفيديو






ثالثا : البلوتوث


البلوتوث مش محتاج تظبيط ولا حاجة

بس فى كام نقطة كدة لازم ناخد بالنا منها

وهى my phone:s visibikity دة اللى بيحدد اذا كنت عايز اى حد فاتح البلوتوث يشوف جوالك او لا

فى ناس كتير بتخفى التليفون وتفتكر ان البلوتوث بايظ

لا انت اللى بتختار بنفسك اذا كنت تحب تبقة مخفى او ظاهر

طبعا هنختار shown to all





رابعا : مسجل الصوت recorder


هندخل على extras وبعدين recorder

زى ما عملنا فى الرسايل والكاميرا هنعمل فى الريكوردر

عشان لو حبيت تسجل اى حاجة تسجلها على الميمورى كارد على طول

وبردو لو حبيت انك تحفظ اى نغمة انت استقبلتها عن طريق البلوتوث او الانفرا تحفظها على الميمورى كارد على طول

هتفتح الريكوردر وبعدين option ثم setting وبردو memory in use وهتختار كارت الميمورى



خامسا : الضبط settings

دة تقريبا اهم واكبر مرحلة فى ضبط الاعدادات

هندخل على tools

وبعدين settings

لما تفتح setting هتلاقى اختيارات كتير طلعتلك

طبعا انا هقول على الاساسيات بس

او الحاجات المهمة اللى تريحك فى استخدام جوالك


1 _ phone

هندخل اول اختيار وهو phone هتلاقى standby mode

طبعا التليفون بينزل من المصنع هتلاقى على اليمين go to وعلى الشمال camera

انت ممكن تخليها اى حاجة تريحك

اى برنامج تكون بتستخدمو كتير او بيفيدك

زى المنبه مثلا او الحاسبة

بدل ما تدخل تجيبها من جوة انت بتعملها زى short cut كدة


2_ call

تانى حاجة call

هنلاقى حاجة اسمها summary after call

ودى اللى بتكتبلك الوقت بعد ما المكالمة تنخلص

انا عن نفسى شايفها مهمة عشان اعرف اتكلمت اد ايه بعد المكالمة

بدل ما ادخل اجيبها من جوة هى بتظهرلك على الشاشة لوحدها

وطبعا فى call waiting ودى خاصية الانتظار

عشان لو حد اتصل بيك وانت معاك مكالمة تقدر تشوف مين وترد عليه كمان



3 _ connection


وطبعا دى لو هتدخل على على النت من التليفون

ودى بتظبط من الشركة نفسها

هتتصل بخدمة العملاء سواء كنت موبينيل او فودافون

وتقولهم على نوع التليفون وكدة

وهم بيبعتولك رسالتين وبيقولولك ازاى تشغل الخدمة


4 _ date and time

طبعا اى حد بيعرف يظبط الوقت والتاريخ

بس مش دة المهم

المهم ان فى حاجة لازم نعملها عشان لو معملنهاش هتلخبطلنا التليفون

يعنى هتضيع ترتيب المكالمات اللى انت استقبلتها او الميسدات

وكمان ترتيب الرسائل

ودى هتلاقوها فى ضبط الوقت والتاريخ باسم auto time update

لازم نعملها on



سادسا : log


سادسا واخيرا الـ log

سجل المكالمات

ودة اللى عن طريقه بتقدر تعرف المكالمات اللى فاتتك والناس اللى اتصلت بيك

ومدة المكالمة والكلام دة كله

اول لما ندخل عليه هندوس option وبعدين setting

هنعمل الـ log duration اطول مدة اللى هى 30 يوم

وبعدين عرض مدة المكالمة show call duration

هنخليها yes

ودى اللى بتعرض مدة المكالمة وهى المكالمة شغالة

عشان تعرف انت اتكلمت اد ايه ولو تحب تقفل عند مدة معينة تبقة واخد بالك


__________________________________________________ ___________


وطبعا انا مش كاتب كل الاعدادات

انا كاتب بس الاعدادات الاساسية اللى ممكن تسببلك مشاكل لو مظبطهاش صح
وان شاء الله تقدر المعلومات البسيطة دى انها تفيدكم