الكلام اللى انا هكتبه دا على لسان الموظف والموظف بيقول :
-المدير بتاعى عبقرى لما شغله تاخد فى ايده وقت يبقى دقيق وبيدى الشغل حقه 1
ولما اخد فيها وقت ابقى بطىء ويومى بسنه.
2-المدير لو ما خلصش شغله فى الميعاد يبقى مشغول ويعينوله سكرتيره تساعده
اما انا لو ما خلصتش شغلى فى ميعادى ابقى من تنابلة السلطان واخد جزاء.
3-لو قال كلمه حلوه فى حق الريس بتاعه يبقى راجل مؤدب ولسانه حلو
اما انا لو عملت كده ابقى منافق علطووووووووووووول.
4-لو اتأخر عن ميعاد الشغل ساعتين يبقى كان فى اجتماع مهم
ولو اتأخرت خمس دقايق ابقى كنت بتسنكح فى الشوارع واخد لفت نظر.
5-لو قال انه بيعمل بناءا على توجيهات السيد الوزير يبقى سياسى حويط
ولو انا عملت على توجيهاته ابقى بتهرب من المسئوليه.
6-لو قال ان السكرتيره دى حلوه يبقى راجل يقدر الجمال
ولو انا قلت كده ابقى راجل بصباص وقليل الادب.
7-لو انا عملت حاجه صح مديرى عمره ما يفتكرها
ويا سلااااااااام لو غلط عمره ما ينساااها.
دا الموضوع واتمنى يعجبكوا واسف لسوء التفاهم اللى حصل
وياريت الرد سواء بالنقض او الشكر
وربنا يوفق الجميع
الجمعة يناير 11, 2008 8:45 pm
